تورکی دیلی تک سوگلی احساسلی دیل اولماز       ئوزگه دیله قاتسان بو اصیل دیل اصیل اولماز

ئوز شعرینی فارسا عربه قاتماسا شاعر                      شعری اشیدنلر اخویا نلار کسّّّّّّیل اولماز

شاعر اولا بیلمزسن آنان دوغماسا شاعر             مس سن آبالام هر ساری کوینک قیزیل اولماز

انسان اودی دوتسون بو ذلیل خلقین الیندن                     آللاهی سئورسن بئله انسان ذلیل اولماز

ملت غمی اولسا بو جوجوخلار چوپه دونمز                 اربابلاریمیزدان دا قارینلار طبیل اولماز

آذر قوشونی قیصر رومی اسیر ائتمیش                     کسری سوزودی بیر تاریخ ناغیل اولماز

بو شهریارین طبعی کیمی چیممه لی چشمه                    کوثر اولا بیلسه دئمیرم سلسبیل اولماز

آنا دیلیم سوسدو

گویده کی نازلی آیا من مه تابان دئمرم

هر گزن دورت ایاغا بیر داها جیران دئمرم

تا یاغیش کلمه سی وار من اونا ابر دئمم

بولودو من بوراخیب هئچ واخت اونا ابر دئمم

غمده ن اوتورو چالینان سازلارا بی صبر دئمم

سودئدیم کی دئدیلر سن سو دئمه آب دئنن

یاخشینی بوشلا داها خوب دئنن ناب دئنن

کووف گئدر سن داها کووف یوخ سن اونا تاب دئنن

یئددی یاشدا دئدیلر سن آنایا مادر ده

قاپونو چالسا بیری سن قاپویوخ دای در ده

اوزون ایللرده یادیمدا کی آتام بویله دئدی

عاشیقا ماهنی اوخو چال سازینی سویله دئدی

چاره سیز قالما اوغول یامان گونده نه ایله دئدی

اوزگه لر یاورینه بیر داها من جان دئمرم

هر گوزل او لکییده آذربایجان دئمرم

بو آنا یوردوموزوندور کی شرفلی آدی وار

هم بوتوپراقدا شرفلر هم ایگیدلر سانی وار

خوره یینده تامی وار هم چوره گینده دادی وار

آی شرفلی ائلیمیز دونیا بیلیر وار دیلیمیز

نییه کی "سو"دئمه سینآب ذئسین گنچ ائلمیز